Angajoqqaarpassuit meeqqami pinnguaatinik atuisarnerat ernumassutigisarpaat. Qarasaasiat atorlugit pinnguaatit maannamut inuusutut akornanni atorneqarnerusarput, taamaammallu angajoqqaanut ilaatigut taamaattut pulaffiginiarneri ajornakusoorsinnaasarlutik. Qarasaasiat atorlugit pinnguaatit pitsaaquteqarsinnaallutillu ajoquteqarsinnaasarput. Tulliuttuni takuneqarsinnaapput pitsaaqutitut ajortutullu taaneqarsinnaasut:
Pitsaaqqutit
- Pinnguaatit ilarpassui ilinniutaalluarsinnaapput
- Nuannerlutillu aliikkutaalluartarput
- Tuluit oqaasinik ilinniutaalluarsinnaapput
- Meeqqat allanik atuisunik attaveqarsinnaalersarput
- Meeqqat suleqatigiilluni aaqqiiniarnernut ilinniutigisinnaasarpaat
Ajoqutit
- Ilinniagassat sininnissarlu tunulliunneqarsinnaasarput
- Qarasaasiap saavani issiavallaartarnerit atuarfinni allanut attaveqarsinnaanermut akornusiisinnaasarput
- Meeqqat timiminnik atuinngippallaalersarput, tassami qarasaasiamik autineq issiaannartitsisarmat
Siunnersuutit pitsaasut sisamat, meeqqat qarasaasiaq atorlugu toqqaannartunik pinnguarnerannut atatillugu isummersorfissatit:
1. Imminut piffissalerit
Kisianni pisimasuni malittarinnittuartarit. Akuliuttarit meeqqat pasitillugit atuinertik kisiat ingerlassinnaanngikkaat. Pinnguaataat takujumasakkit, taamak iliornikkut akuliussinnaaninnik ”sungiusarlugit” – ilaatiguinnaagaluartoq.
2. Piffissamik killiliineq
Akunnerpassuarnik qarasaasiap saani issianeq qiimassutsikkut aqutsilersinnaavoq aammalu timikkut piginnaaneqassutsimut apparsaataasinnaalluni. Kisianni eqqaamassavat pinnguaatip ingerlannera ikerinnarmi unitsikkuminassinnaasarmat.
3. Ukioqqortussutsimik klliliinerit
Inassutaasut ukioqqussutsimik imaqarsinnaaneri alakkartertakkit. PEGI ilisarnaataavoq, qarasaasiakkut pinnguaatissanik pisinerni, tamannalu alakkartariaqartartussaavoq.
4. Enerniliissutissaqanngilaq
Amerlanertigut ernumassutissaqarneq ajorpoq. Kisianni sinaakkuteqartitsinissaq pisariaqartuartarpoq, pinnguarneq aqutsisuuleqqunagu. Illit ilaqutariitullu ilussinni qanoq maleruassaqartitsinissaq aqussavarsi, tassanilu pingaartuuvoq qanoq anertutigisumik, ukioqquttussutsit pillugit inissiinerit il.il iluini aqutsisarnisaq. Aporfiusinnaasut samminerini ilaqutariit assigiinngitsut qanoq iliortarnerat alaatsinaallugit takukkit.