Chat Paaralugumut tikilluarit

Chat Paaralugumut tikilluarit

Internetsi, oqarasuaatit angallattakkat tabletsillu ulluinnatsinni atugaagaluttuinnarput. Taamallu soorlu attaveqaatit atorlugit immitsinnut ajornanngitsunnguamik attaveqarsinnaalernikuuvugut. Attaveqaatinilli atuinermi mianersorfissaqarpoq, eqqummaariffigisariqakkatsinnik. Meeqqammi inuussuttullu attaveqaatit atorlugit qinngasaarneqarsinnaasarput allatullu toqqissisimananngi-tsunik iliorfigineqarlutik, pilersitsisullu ilaasa attaveqaatitigut oqaatsit atukkatik iliuuserisatillu peqqissimissutigisinnaasarpaat.
Taamaattumik una qupperneq suliaraarput, taallugu Chat Paaralugu, angujumallugu attaveqaatit toqqissisimanarnerusumik isumannaannerusumillu atorneqarnissaat. Nunatsinni Pinerlunnermik Pitsaliuinermik Suliaqarnermi Siunersuisoqatigiit Pisiu suleqatigalugit internetimik atuinippit isumannannerulernissaa aqqutissiuunniarsimavarput.

Meeraaguit inuusuttuuguilluuniit saqqummiussagut atorlugit siunnersuutinik ilitsersuutinillu atuagaqarsinnaavutit, aamma tassani toqqaannartumik attaveqaatit atorlugit nuanninngitsunik misigisaqaruit qanoq ikiorneqarsinnaanerit paasiniarsinnaallugu.
Aamma angajoqqaanut meeqqat internetimik atueriaasii pillugit ilitsersuusiartaqarpoq. Meeqqallu ikioruk internetimik atuinermini pitsaasumik pisuseqaqqullugu.
Ilinniartitsisuuguit imal. allatut meeqqanut inuusuttunullu sammisunik suliaqartuullutit, ilinniartitsissusiat aamma tassani takusinnaavatit. Taakku assersuusiat assigiinngitsut atorlugit attaveqaatitigut ikinngutigiilluunniit akornanni aaqqiagiingissuteqartoqartillugu illit qanoq iliorsinnaanerit paasiniarsinnaavat.

Meerarpassuarnut inuusuttorpassuarnullu internet’i mobililu ulluinnarni inuunermut ilaalluinnartupput. Kisiannili tassa internet’ikkut kinguassiuutinut tunngasunik kanngutsaatsuliortoqartarpoq aammalu nikassaasoqartarluni, taamaattumik pingaaruteqaqaaq ilisimassallugu internet’ip atornerani qanoq oqqissisimasoqarsinnaanersoq.

Angajoqqaatut meeqqavit internet’imik atuinissaannut tunngasutigut siunnersorneqarlutillu ilitsersorneqarsinnaavutit – angajullernut minnernullu tunngasunik. Taamaalillutit meeqqavit toqqissilluni internet’imik atuinissaanut namminerlu ileqqorissaarnissaanut ikiorsinnaanngussavat.

Kalaallit Nunaanni Pinerlutsaaliuinermut Siunnersuisoqatigiit Pisiu internetimik atuisarnerup isumannaannerusunngorsarneranut atatillugu quppernerup matuma inerisarnerani suleqataavoq

Atuartunut 1.-3. klassemi atuartunut atuartitsissutissanik nassaarit. Atuartitsissutissani atuaqatigiit internet’imi atuinerminni pitsaasunik najoqqutassaqalernissaat sammineqarpoq, inuusuttullu internet’imi ileqquusartut pillugit eqqarsaatersuuteqarnissaat anguniagaavoq.

Atuartunut 4.-7. klassemi atuartunut atuartitsissutissanik nassaarit. Atuartitsissutissani atuaqatigiit internet’imi atuinerminni pitsaasunik najoqqutassaqalernissaat sammineqarpoq, inuusuttullu internet’imi ileqquusartut pillugit eqqarsaatersuuteqarnissaat anguniagaavoq.

Atuartunut 8.-10. klassemi atuartunut atuartitsissutissanik nassaarit. Atuartitsissutissani atuaqatigiit internet’imi atuinerminni pitsaasunik najoqqutassaqalernissaat sammineqarpoq, inuusuttullu internet’imi ileqquusartut pillugit eqqarsaatersuuteqarnissaat anguniagaavoq.