Naligissuseq

Naligissuseq

Naligiissuseq saqqummersissavarput, atuarfimmi tamarmi nikassaaneq akiorniarlugu suliniutitut, atuartut, ilinniartitsisut angajoqqaallu atuaqatigiinni atuarfimmilu tamarmi nikassaasoqannginnissaa anguniarlugu najoqqutassatut pilersaarusiornissaannut sakkussaqartilerniarlugit. Saqqummersitami aamma aporaannerit iliuuseqarfiginissaannut inunnullu isiginneriaatsit, aammalu inunnik isiginneriaatsit qanoq uatsinnut sunniuteqartigisarnersut sammineqarput. 

Ilitsersuusiat suliarineqarsimasut aamma sunngiffinni ornittakkani atorneqarsinnaapput. Atuartut qanoq ingerlalluaqatigiilernissaannut isumassarsiorfigineqarsinnaasunik ilitsersuusiat imaqarput. Nikassaannginnissaq anguniarlugu najoqqutassatut pilersaasusiornermi atuarfimmiittut tamavimmik peqataatinnissaat pingaaruteqarluinnarpoq.