Piumassutsiminik sulisumik nersorinninneq

Annertuumik piumassusillit. Tordenskjoldip sakkutuui. Nammineq piumassutsiminnik allanik ikiuisartut.

Meeqqat Ikiortigit nammineq piumassutsiminnik sulisut immikkoortumi sulinermi qitiupput nunatsinnilu meeqqat ilaqutariillu sanngiiffeqartut pitsaanerusunik atugassinniarlugit sulinermi pinngitsoorneqarsinnaanngivillutik. Taamaammat Meeqqat Ikiortigit siulersuisuuneri 2017-imiit novembarip ulluisa aallaqqaataanniit nammineq piumassutsiminik sulisumut ukiumoortumik nersornaasiisalerput.
Nammineq piumassutsiminik sulisumut nersornaat 2017-imi najukkami peqatigiiffimmi siulersuisut siulittaasuannut Lars Peter Danielsenimut tunniunneqarpoq. Tamatuma saniatigut Rebekka Olsvigilu ukiut aqqaneq marluk nammineq piumassutsiminnik sulisimanerat malunnartinniarlugu diplomisitinneqarput. Ukiumoortumik nammineq piumassutsimik sulisumik nersornaasiisarnermi ukiunillu aqqaneq marlunni sulisimasunik nalliussinermi pimoorussinermut suliamullu annertuumut nammineq piumassutsiminnik sulisut suliaannik nersorinninnissaq siunertaavoq. Tamatuma saniatigut nersornaat nammineq piumassutsimik sulinerup soqutigineqarnerulernissaanik annertunerulersitsivoq.
Ilusilersuisarfik Dooit Design, sulinitsinnut tapersersuilluni 2017-imi kingumullu 2018-imi Meeqqat Ikiortigit piumassutsimik sulisumut nersornaammik suliaqarnikkut tunniussaqarnera pillugu qutsavigingaarparput.