Meeqqat Ikiortigit allaffimmiussarsiorpoq
Meeqqat Ikiortigit nuna tamakkerlugu kattuffiuvoq inuunermik ingerlatsillualernissamut periarifissagissaarnerulernissamut aammalu Kalaallit Nunaanni meeqqat pisinnaatitaaffii pillugit suliniartoq. Maannangaaq nuna tamakkerlugu suliatut sammisaraarput meeqqat inuusuttullu akornganni nikassaasarneq maannakkut, aammalu suliaqartarnikkut ingerlatatigullu pititsisaqattaarlutalu ingerlatsinitsigut aallussissagatta.
Nuummi immikkoortortaqarfitta sapaatip akunnikkaartumik ilaqutariit sanngiitsumik inissisimalersimasut sammisaqartittarpai badminton-ertillugit, nalunnguartillugit, umiatsiartillugit, sisoraatinik qamuteeqqanillu angalaartillugit nalliuttuni katerisimaartillugit allarpassuarnillu aallussaqartitsillutik.
Nuummi allaffeqarfipput ilinniartumik ikiortissarsiorpoq sapaatip akunneranut 12 tiiminik sulisinnaasumik. Tassani suliamut aqutsisorput siulersuisullu qanimut suleqatigineqartussaallutik, ingammilli immikkoortortaqarfinni peqatigiiffigut sammineqartussaapput.
Sulissat:
- Nuummi immikkoortortaqarfiup suliassaanik ikiuilluni, siulersuisut ataatsimiinneranni peqataalluni, aaqqissuussanut angalanernullu peqataasarluni
- Nuna tamakkerlugu kattuffimmut immikkoortortaqarfiullu akornganni attaveqaataassalluni
- Piumassutsiminnik ikiuisussanik pissarsinissamut sulisiinnarnissaannullu ikorfartuissalluni
- Kalaallit Nunaata sineriaani immikkoortortaqarfiliornissamut ikiuissalluni
- Meeqqanut atuffassinissamut pilersaarusioqataallunilu ingerlatsinissamut peqataassalluni inersimasunillu ammasumik oqallititsinissamut peqataasassalluni
- Allatseqarfimmi suliassaareersut isumagalugit soorlu allakkanik aallerluni, ataatsimiinnissamut inniminniilluni, pisiniarluni il.il.
Illit:
- Ingerlaqqiffiusunik ilinniagaqartuuvutit soorlu tusagassiortunngorniaq, ilinniartitsisunngorniaq, inuiaqatigiilerinermut ilinniartoq, inunnik siunnersortinngorniaq assingusumilluunniit ilinniartoq
- Aaqqissuussaasumik periuseqarputit tamakkiisumillu isiginnissinnaassallutit
- Kalaallisut danskisullu oqalullutillu allassinnaavutit
- Nammineersinnaasuuvutit sullarillutillu
- Sapaatip akunnerisa naaneranni unnukkulluunniit aaqqissuussisoqartillugu suleqataarusupputit
- Saaffigiuminartuuvutit suleqatikkuminarlutillu
- Suliannut tunniusimasuuvutit akisussaaffimmillu tigumminnissinnaallutit
Neqeroorutigaagut:
- Suliffik nuannersoq pissanganartorlu
- Piumassutsiminnik sulisut tunniusimasut meeqqanillu sullissinissaminnut pingaartitsisut
- Suliaq isumaqarluartoq, Kalaallit Nunaanni meeqqanut inuusuttunullu sunniuteqarluartoq
- Sapaatip akunneranut akunnerit 12-it suliamik aqutsisoq peqatigalugu pilersaarusiorneqartassapput (Soorunalimi ilinniarninnut tulluarsakkamik)
- Akissarsiat qaammammut 8.000 kr.
Atorfik inuttalerneqarsinnaavoq 15. maj 2019 aallaqqaammullu qaammatini arfinilinni atorfeqartitsinerussapput sivitsuiffigineqarsinnaasut.
Ilisimatitsissutigineqassaaq atorfimmut tunngatillugu meeqqanut tunngatillugu pillagaasimannginnermut uppernarsaammik piniartoqassammat Meeqqat Ikiortigit-ni atorfeqartillutit pisussaaffigisussaavat sulininni sunngiffinnilu meeqqanut illersuinissamut tunngatillugu politikki attuuttoq malissallugu pisussaaffigissagakku.
Atorfimmut tunngatillugu attavigisinnaavat Malin Corlin uunga malin@redbarnet.gl imaluunniit +299 563406.
CV ilanngullugu qinnuteqaat nassiunneqassaaq uunga info@redbarnet.gl kingusinnerpaamik 10. Maj 2019.