Inuusuttut​

Inuusuttunut 2019imi septembarimi saqqummersinneqassaaq, taanna ilinniarnertuunngorniarfinni inuusuttullu ilinniarfiini nikassaasarneq pillugu ilinniutissaavoq. Ilinniusiut filmiaqqamit Katinngat-mit aallaaveqarpoq, taamaalillutillu ilinniartut filmi takoreerunikku namminneq ”stop-motion-film” periuseralugu filmiliusssapput, nikassaasarneq suunersoq oqaluttuariniarlugu imaluunniit namminneq nikassaasarneq pillugu misigisimasaminnik oqaluttuarnerminnut periuserissallugu.
Ilinniarnertuunngorniarfinni allanilu inuusuttut ilinniarfiini nikassaasoqartartoq ullumikkut nalunngereerparput, nalunngilarpullu avataaniittutut misigisimaneq nikassarneqarnerlu ajortumik kinguneqartitsisartoq, qassinilluunniit ukioqaraluaraanni. Atuaqatigiinni nikassaaneq pileraangat atuaqatigiit tamarmik eqqugaasarput, nikassaasoqarnerani ileqqorissaarnissaq nungusarneqartarami, pinngitsaalineqarnermik, aporaannermik, iluaalliornermik atuaqatigiinnilu annilaanganermik pilersitsisarluni. Taamaattoqaraangallu ilinniartut iliuuseqarsinnaanerat ingerlalluarnissaraluallu ajortumik sunnertarpaat. Taamaattumik suliniuteqarnikkut ilinniartut eqqumaffigilertussaavaat, ataatsimoorlutik qanoq iliorlutik ataqatigiinnermik pilersitsisinnaanissartik.