Oqaloqatigiinneq isumannaatsoq
Atuartitsinermi atortut eqaatsumik atorneqarsinnaapput. Sungiusaatit inuttut ineriartornermut, kalaallisut, danskisut inuiaqatigiilerinermut atuartitsinermi immikkut ittumik tulluarsagaapput.
Oqarasuaat aamma interneti atorlugu inuuneqarneq oqaluttuarineqarput aamma atuartut assigiinngitsunik pisuusaartitsillutik sungiusartarsinnaapput soorlu aamma interneti atorlugu toqqaannartumik piviusumik aallaaveqarluni sungiusartinneqartarsinnaallutik.
Atuaqatigiit ataasiarlutik arlaleriarlutilluunniit sungiusartarsinnaapput. Atortut siullermeertumik klassimi atorneqalerpata sunilluunniit eqqaasaqartarluni oqaasertalersueqatigiilluni sungiusarneq aallartinneqarsinnaavoq (sungiusaatit 1 aamma 2, taakkua aamma ataatsikkoortinneqarsinnaapput). Atuartut uani namminneq isumassarsiussapput. Sungiusarnerit nalaanni assersuutitsialaat misigisallu klassimi atorneqarsinnaapput aamma kingusinnerusukkut sungiusartarnissani sinaakkutinik pilersitsisinnaallutik. Sungiusaatit qanoq tigussaatigisumik sammisaqartigissanersut ilinniartitsisup nammineq nalilertassavai (sungiusaat 3-miit qummut) qanorlu aallartinneqartassanersut aalajangertassalluni. Sunilluunniit eqqaasaqartarluni minutsini 30-ni oqaasertalersueqatigiittoqarsinnaavoq imaluunniit tiimi atuarfiusoq tamaat sungiusartoqarsinnaalluni.
Ilinniartitsissutissaq sanaajuvoq Meeqqat Ikiortigimit aammalu PiSiu suleqatingalugu.