Kalaallit Nunaanni meeqqap kialuunniit peqataanissamut, aniguinissamut, ineriartornissamut illersorneqarnissamullu pisinnaatitaaffiisa piviusunngortinneqarnissaat anguniagassatut takorluugaraarput.
Nunatsinni meeqqanut sanngiiffilinnut pitsaanerusunik atugassiinikkut pitsaasunillu allannguinikkut sorsuutiginninnikkut pitsanngueqataanissaq anguniagassatut siunniussaraarput.
Meeqqat pisinnaatitaaffii sorsuutigaagut
Atuarfinni paaqqinnittarfinnilu nikassaasarnermik pitsaaliuinerup suliniutigineratigut taamaaliorpugut. Meeqqanik innarliinerit nakuusernerillu suulluunniit akiorniarpagut. Najukkami immikkoortortatsinni meeqqanut ilaqutaasunullu isumalinnik sammisaqartitsinikkut misigisaqartitsinikkullu aamma taamaaliorpugut.
Oqariartuutigut sapinngisamik innuttaasunut amerlanerpaanut anngunniarlugit tusagassiorfinni saqqumilaarniarpugut. Meeqqat inuusuttullu, angajoqqaat, ilinniartitsut perorsaasullu suliniut Chat Paaralugu aqqutigalugu isumannaatsumik internetsersinnaanermut ikiorpagut.
Meeqqat angerlarsimaffiup avataanut inissinneqartut angajoqqaavisalu akunnerminni ataqatigiinnerunissamik nuannersunillu misigisaqarnissamik Meeqqat tamarmik angerlarsimaffeqarneq pisinnaatitaaffigaat qulequtsiullugu suliniuteqarnikkut taamaaliorpuguttaaq.
