Imaaliorlutit aallartissaatit

Meeqqat Ikiortigit suliniummik aqutsisoq Malin Corlin mailikkut: malin@redbarnet.gl imal. oqarasuaatikkut: +299 56 34 06 attavigiuk.

Nammineq piumasutsinnik sulissaguit 18-ileereersimassaatit, meeqqanillu pinerliisimannginnermut uppernarsaatinik piumasaqaateqartussaatitaaneq pillugu Inatsisartut inatsisaat nr. 8, 19. maj 2010-meersoq §2 naapertorlugu pinerliisimannginnermut uppernarsaammik takutitsissinnaassallutit. Meeqqanik pinerliisimannginnermut uppernarsaatip suunera uani paasisaqarfiginerusinnaavat.

Nunatsinni Meeqqat Ikiortigit nammineq piumassutsinnik sulisutut nipangiussisussaatitaavutit sakkortusisamillu nalunaarutiginnittussaatitaallutit. Taakku pillugit maleruagassat Meeqqat Ikiortigit ataatsimoornermut politikkiani paasisaqarfiginerusinnaavatit. Najukkanni peqatigiiffiup sammisai uani paasisaqarfiginerusinnaavatit.