Internetsi oqarasuaallu angallattagaq meeqqanut inuusuttunullu amerlasuunut ulluinnarni inuunermi pingaaruteqarput. Internetsikkulli kinguaassiuutitigut innarliisoqarsinnaammat nikassaasoqarsinnaammallu qanoq ililluni toqqissinartumik attaveqatigiinnissap ilikkarnissaa pingaaruteqarpoq. Meeqqatut inuusuttunulluunniit inummut namminermut tunngasunik imal. paasissutissanik ataqqinassutsimik innarliisunik, assinik imal. videokkut filmilianik, ass. atisaqanngitsut assinginik avitseqateqarsimaguit imal. avitseqatigineqarsimaguit imal. internetsikkut allamik nuanninngitsumik misigisaqarsimaguit, qanoq iliorsinnaaninnut siunnersuutinik ilitsersuutinillu pitsaasunik uani pissarsisinnaavutit.
Ajoqusiinerup annikillisinnissaanut pisumiillu pitsaanerpaamik aniguinissamut ilitsersuussinnaavatsigit – uagullu isumarput naapertorlugu tamanna kanngunarnanilu peqqusiileqinanngilaq. Piiaanissamut inuillu attaveqatigiittarfiini paasissutissanik, assinik videomullu immiussanik ataqqinassutsimik innarliisunik nalunaaruteqarnissamut ilitsersuutit, piiaanissamut ilitsersuutitsinni nassaarisinnaavatit. Internetserninnut atatillugu ajutooruit qanoq iliorsinnaanerit, siunnersuutit pitsaasut pillugit immikkoortumi ilinniassavat. Assinik videomulluunniit immiussanik avitseqatigiittoqarpat qanoq misigissuseqarsinnaaneq pillugu immikkoortoqarpuguttaaq. Naggataagut inatsit naapertorlugu suut akuerisaanerat suullu inerteqqutaanerat pillugu immikkoortoqarpugut.
