Nikassaaneq
Nikassaaneq nunatsinni atuarfinni, sunngiffimmi ornittakkani, taamatullu meeqqanut inuusuttunullu neqeroorutini allani annertuumik ajornartorsiutaavoq. Nikassaanerup inuunerliorneq nassatarisarpaa meeqqallu ineriartorneranut sunniuteqarnerluttarluni. Meeqqat akornanni nikassaaneq annertuumik sunniuteqartarpoq anigorneqarsinnaanngitsumillu ajoqusiisinnaasarluni. Meeqqat nikassarneqartut tamarmik tamanna inuunermik sinnera nassatarisarpaat.
Atuarfinni, timersoqatigiiffinni internetsikkullu nikassaanernik akiuiniarneq pitsaaliuinerlu suliniutigaagut. Meeqqat tamarmik nikassarneqaratik peroriartornissamut pisinnaatitaaffeqarmata taamaaliorpugut. Nikassaanermut peqatigiumaneqannginnermullu sakkussaq pitsaanerpaaq tassaavoq meeraqatigiinni akuersaartuni meeqqanik ajunngitsumik tapersersuineq. Nunatsinni Meeqqat Ikiortigit nikassaaneq pillugu unnukkut sammisaqartitsisarnikkut kiisalu nikassaanermik akiuiniarnikkut iliuuseqarnikkullu inerisaaneq ass. Chat Paaralugu suliniutigaat.
Aningaasaateqarfik Mary Fonden 2011-imi Meeqqat Ikiortigit nunatsinnilu Naalakkersuisut peqatigalugu ”Kammagiitta – Fri for mobberi”, nikassaanermut akerliuneq pillugu suliniut, nunatsinni meeqqat inuunerinnerunissaannut iliuuseqarnerup ilaatut annertuumik pingaarutilittut saqqummiunneqarpoq. Nikassaannginnissamut suliniummi, nunatsinni oqartussanit nikassaanerup iliuuseqarfiginissaanut pitsaaliornissaanullu sakkussat ujartorneqarlutik, 2009-mi suleqatigiissutaalerpoq. Meeqqat ukioqanngitsuniit qulaaluanik ukiullit Kammagiittami saaffigineqarput. Meeqqat atuarfianni klassini akullernik angajullernillu atuartulinni nikassaannginnissamut suliniutit nunatsinni Meeqqat Ikiortigit ingerlappaat. Suut nunatsinni meeqqanut inuusuttunullu sunniuteqarnersut suullu tulluartuussanersut massakkorpiaq misissorpagut. Taamatuttaaq nikassaaneq pillugu unnuk sammisaqarfik toqqaannartumik KNR-ikkut aallakaatitassaq suliniutigaarput. Kalaallit meerartaanni inuusuttaannilu taakkulu angajoqqaavini, kikkut tamarmik ataatsimooqatigiinnut ilaanerannik misiginerup annertunerulersinnissa siunertaavoq.
