Meeqqat Ikiortigit nunatsinni sumiiffinni amerlanerni aallaaveqarnissaq kissaatigaat; Tamanna nunatsinni najukkani immikkoortortanik amerlanernik pilersitsinikkut pissaaq. Nunatsinni meeqqanut inuusuttunullu sanngiiffilinnut malunnaatilimmik sunniuteqarnissamut najukkani immikkoortortat sulinerat pingaaruteqarnerpaavoq.
Najukkami immikkoortortamik pilersitsineq tunngaviusumik minnerpaamik inunnik pingasunik pisariaqartitsissaaq. Arlaliullusi najukkami immikkoortortamik illoqarfissinni nunaqarfissinniluunniit pilersitsissamik kissaateqarussi, nunatsinni Meeqqat Ikiortigit qulequtsiullugu suliniummik aqutsisumut : mobilikkut: +299 563406 – emailikkut: projektleder@redbarnet.gl attavigisinnaavusi.
Suliamik aqutsisup ingerlariaqqinnissassinnut suliamillu ingerlatsinissinni tapersersorlusi ikiorsinnaavaasi.
