Meeqqat paatsooqatigiissinnaanermut qanittuupput taamaattumillu allalluni oqaloqatigiilluniluunniit attaveqatigiinnermi aporaassuteqalersinnaasarlutik. Aaqqiiniarnissaminnilu inersimasunit ikiorneqarnissartik pisariaqartittarpaat. Ugguuna aaqqiagiinngissuteqarnerit uumisaarisarnerillu qanoq pinaveersaartinnissaannut siunnersuutinik pitsaasunik aallerit.
Attaveqaatitigut meeqqat oqaatsit atortagaat ilaatigut sakkortuujusinnaasarput, killiffissallu imminut naapilluni oqaloqatigiinngikkaanni suli sakkortusiartuinnarsinnaasarlutik. Aaqqiagiinngissuteqalersinnaaneq uaneerarsuaq ittarpoq. Aammalu aporaassutaasut atuarfimmi aneersuartarfimmi naapilluni pisartunit ajortikkiartupallannerujussuusinnaasarput. Taamaammat meeqqat attaveqaatit aqqutigalugit pisuni aaqqiinissamut ikiorneqarnissaq piasriaqartittarpaat.
Soormitaavaana attaveqaatit atorlugit ajortisaarinerit assortuunnerillu ajornerusartut?
- Tassami timip atorneranik imaqannginnamik, taamaattumillu oqaatigineqartut ilaatigut nalinginnaasumit annernarnerusinnaasarput
- Attaveqarsinnaanerit ulloq unnuarlu ingerlajuartarput – taamaammallu attaveqaatit eqqissive-qartitsisaratik
- Nalunaarutigineqartut assitaliunneqartullu allarpassuarnit takuneqarsinnaapput
- Uumisaarisut kinaanertik isertuullugu ingerlatsisinnaasarput
- Ingerlasullu inersimasunut ilaatigut ersinneq ajorput
Angajoqqaatut qanoq iliorsinnaavisi?
- Meeqqasi ikinngutaalu attaveqaatit atornerini misigisartagaat pillugit apersorsigit, soorluli atuarfiit aamma taamatut iliorsinnaasut
- Qarasaasiat atorlugit attaveqaatinut atatillugu aaqqiissutissarsiornermi akisussaaffimmik tigusigit
- Ikiuiniarnissinni angajoqaat allat suleqatigisigit
- Meeqqat qarasaasiat atorlugit susarneri paasiniarsigit – naak tamanna imaannaanngippasis-sinnaagaluartoq
