Angajoqqaat aporfittut misigisaat​

Angjoqqaajusutut akuttunngitsumik aqqusaartarumaarpat, meeqqami attaveqaatinik atuinerannut tunngasunik isummersorfissanik. Atuakkit angajoqqaat qanoq assigiinngitsumik qisuariaateqartarnerat atuarlugillu meeqqavit oqaluunnissaanut periuserisinnaasat.

Qanoq iliussavit, paniit 14-inik ukiulik nukappiaqqamik attaveqaatitigut attaveqarfigiersimasaminik naapitsiumalerpat? Aamma qanoq meeqqavit qarasaasiatigut pinnguaatinik pinnguarsinnaanera killilerniassaviuk? Meeqqat ulluinnarni qarasaasiakkut attaveqaatinik il.il atuinera annertuppat aporfittut misigisinnaasatit isummersorfissatit amerlaqaat. Tamakkulu ataasiinnarmik eqqortumik aaqqiissutissartaqanngillat. Atuakkit angajoqqaat meeqqami qarasaasiaq atorlugu periarfissanik atuinerani iliuuserisinnaasaat.

Qarasaasiat atorlugit periarfissanik atuinernut atatillugu siunnersuutit

1. Illit akisussaaffiit Soorlu meeqqavit angallaffiusuni qanoq ileqqoqarnissaannik ilitsersuisartutit, aamma illit akisussaaffigivat meeqqatit qarasaasiakkut periarfissanik atuinissaannik ilinniartissallugit. Malinnaaffigisaruk meeqqavit atuinera. Malinnaaffigiullu periarfissanik nutaanik takkussortoqartuartarnera, meeqqavit atulersinnaasaanik. Pitsaassaaq illit nammineq periarfissat misilittartarukkit aammalu meeqqat aperisarukkut periarfissat suut atortarnerai.
Foto: Vagn Hansen/VHDesign.gl

2. Assigiinngissutsit akuersaakkit
Paasigukku tunngavigisasi assigiinngitsustut, taava pitsaaneruvoq meeqqat nerinerup nalaani sms-imik akisiniarpat akurisarukku. Akuersaaruk meeqqavit qarasaasiakkut periarfissanik mobiliminillu atuisinnaanera.

3. Meeqqat oqaloqatigiuk
Naak qarasaasiap qanoq atornissaa meeqqap nalunngikkaluarlugu tamatiguunngitsoq paasisinnaasarpaa atuinini qanoq malitseqarsinnaasoq. Killiliisinnaanissaminnut ilitsersuunneqarnissaq pisariaqartippaat, taamak iliornikkut arlaatigut akueriuminaatsumik atuinissaq pinngitsoortissinnaajumallugu. Meeqqat oqaloqatigiuk, malinnaaffigalugit assit qanoq ittut nassiuttarai. Ajunngilarmi assinik siammartiterisinnaaneq – meqqavilli eqqaamassavaa, assimik ikkussiguni tassaniittualissammat. Taamaattumik isumatusaarneruvoq, taamaallat ikkunneqartarpata, assit kingusinnerusukkut peqqissimissutigineqarsinnaanngitsut.

4. Sapinngilatit!
IT-mik atuinermut pikkorissorujussuusariaqanngilatit meeqqavit atuineranik malittarinnissinnaanissaq ingerlassinnaajumallugu. Aperikkit sulerinersut taavalu qinnuvigalugit pinnguaatit allallu suut atortarnerlugit takuteqqullugit. Tunuarsimaarneq aqutsisorinagu.

5. Qarasaasiakkut periarfissanik atuinerit killilikkit Meerarpassuit tamanut ammasumik attaveqaatit atortarpaat kinaassusertik inerisarumallugu malinnaaqqissaarnerlu tunngavigisorujussuusarlugu. Killiliisarit meeqqat atuinerminni ingattaaralutillu atuivallaannginnissaat isumannaarumallugit. Taamatut iliorsinnaavutit ilaatigut ”Piffissanik atuinngiffissanik” eqqussillutit, ilaqutarinni tamanit ataqqineqartussanik. Meeqqat killiliinissaq pillugu oqaloqatigiumasinnaavat – soorlu isumaqatigiissutigalugu arfininngornerni ullup qeqqata tungaanut mobili illikartillugu imaluunniit sapaatit unnukkuini illikartillugu inissinneqartalersillugu.

Leksikoni