Tamakku akulikitsumunngikklurtumik pisarput, kisianni pisoqaraangat niviarsiaqqat nukappiaqqallu assigiimmik eqqorneqarsinnaasarlutik, tassa arlaannit attaveqaatit atorlugit kanngutsaatsuliorniartut aqqusaaraangamikkit. Taamaattut pigaangata, kanngutsatsuliorniartup pissusilersorneri akuerisassatut isikkulerlugit sunniiniutigineqalersarputt. Taamaammallu taamaattut angajoqqaanut iserfigiuminaassinnaasarput.
Kanngutsaatsuliornerillu marlunngorlugit avinneqarsinnaapput:
Toqqaannartumik erseqqissumillu sunniiniarnerit:
Kanngutsaatsuliornerit ilai toqqorterinani toqqaannartumik ingerlanneqartarput. Meeraq inuussuttorluunniit inummut attaveqalersarput, qaninniartumik nipeqartumik nalinginnaasullu qaangerlugit apeqquteqartartumut. Immaqa aperineqartarput assiminnik nassiussisinnaanersut, kinguaassiutinut sammisunik oqaloqatiginninnissamut imal. assiliivittalerlugu oqaloqatigiissut atorlugu attaveqaqquneqarlutik.
Oqaatsit tusaruminartut putusaarutillu:
Kanngutsaaliuinerit aappaat takkukkiatorusaartumik iluseqartarpoq. Tassani sunniiniartup periuseq immikuullarilluinnartoq atorlugu meeraq atoqatiginialersarpaa. Taamatut iliorneq ”grooming”-imik taaneqartarpoq. Tassanilu qanillattuisoqartarpoq sunnerniagaq ikinngutiginiarlugu/aapparisarinialerlugulu, qanillattuinerlu pereeraangat sunniiniartup utoqqaanerunini misilittagaqarnerunniilu atorlugit meeraq atoqatiginiarlugu sunnernialersarpaa. Tassanilu inuusuttuaqqat taamaattumik attaveqaatitigut attaveqalernissaq qaninnerusarpaat.
Nassuiarneqartutut atornerluiniarneq siunertaralugu ingerlatsinerit ataani allattorneqartutut ingerlaaseqarnerusarput:
- Meeraq ilisaritinnera tunngavigalugu toqqartarpaa
- Meeraq soqutigalugu malugitilersarpaa pitsaasutullu ittumik attaveqarfigilersarlugu
- Qanilaartumik ikinngutigiinneq pilersittarpaa akuersaarinnillunilu pakkutarinnippalaartumik pissuseqartarluni
- Meeraq imminut assiliaatiginersoq aperillattaalersarpaa
- Tunissuteqarfigilersarpaa (kingorna akiniarneqarnermik piumasaqarnermik tunngavisaminik)
- Immaqa atoqatigiissinnaanermut tunngasut oqaloqatigiissutigiumalersinnaasarpai
- Naapeqatigiinissaq ammaannialersarpaa
- Ingerlaavartumik meeraq attaveqarfigisarpaa, ilaatigut akinngikkaluarangallaanniit
- Atoqatigiinnissaq piumasarilertarpaa immqalu assinik allanut takussutissiinissaq imaluunniit oqaatiginninnissaq qunusaarutigilersarlugit
Siunnersuutit pitsaasut
Atornerluilluni kanngutsaaliuiniarsinnaaner-mut meeqqat illersussagaanni immineq naaggaarsinnaallutik unitsitsisinnaanerat ilinniartitsissutigineqartaria-qarput.
Ammasumik pissuseqarit
Ulluinnarni inuuneq pillugu oqaluttuartarit
Malussaruit meeqqat kinguassiuutitigut atornerlunneqarsimasoq, taava Politiinut sianissaatit.