Inuit attaveqatigiittarfianni assinik videomullu immussanik avitseqatigiittarfimmi (Instagram) ima piiaasinnaavutit
Ataani makkununnga ilitsersuutit pissarsiarisinnaavatit:
- Assinik videomullu immiussanik illit nammineq avitseqatigiissutigisannik piiaaneq
- Allat assiutaannik videomulluunniit immiussaannik nalunaarutiginninneq
- Ilisarnaammut attaviup peernissa
- Ilisarnaativit peernissaa
Nammineq assilisaq videomulluunniit immiussaq peeruk
Asseq videomulluunniit immiussaq illit nammineq Instagramminni avitseqatigiissutigisat peerniarukku, imaaliussaatit:
- Asseq videomulluunniit immiussaq peerniakkat tooruk
- Toorneeqqat pingasut tuukkit. Toorneeqqat pineqartut qulaani talerpiup tungaaniinngikkunik assip videomulluunniit immiussap ataaniissapput. Qanoq ittumik oqarasuaateqarnerit apeqqutaassaaq
- ’Slet’toqqaruk
Allat illit assit videomulluunniit immiussat avitseqatigiissutigisimappassuk, illit nammineq ilisarnaatinniit peernissaa naammannavianngilaq.
Tamatumunnga tunngasoq ataani ”Anmeld et billede eller en video, andre har delt” (allat assiutaannik videomulluunniit immiussaataannik nalunaarutiginnigit) qulequtsigaq paasisaqarfiginerusinnaavat.
Allat assilisaat videomulluunniit immiussaat nalunaarutigiuk
Instagrammimi ilisarnaateqaruit:
- Asseq videomulluunniit immiussaq app-imiit nalunaarutiginiakkat nassaariuk
- Toorneeqqat pingasut tuukkit. Toorneeqqat pineqartut qulaani talerpiup tungaaniinngikkunik assip videomulluunniit immiussap ataaniissapput. Qanoq ittumik oqarasuaateqarnerit apeqqutaassaaq
- 'Anmeld' tooruk
- Isiginnaarummi (skærm) ilitsersuut malittariuk
Assimik videomulluunniit immiussamik ilaaffigisannik peerusutannillu Instagrammimi nassaaruit assigiinngitsunik periarfissaqarputit.
Inuttaa nalunngikkukku peersinnaanera pillugu apereqqaarnissaa isumassarsiatsialaavoq. Taamaaliorusunngippat peerneqarnissaa kissaatigisat Instagrammimut nalunaarutigisariaqassavat.
Instagrammimi ilisarnaateqanngikkuit– atuisulluunniit allap mattussimappatit:
- Qarasaasiamiit Instagrams anmeldelsesside mut pigit
- Quppernermi nalunaaruteqarfissami immersugassaq immersoruk
- Instagrammimut nalunaaruteqarnermi assip videomulluunniit immiussap suna pillugu peerneqarnissaata allannissaa pingaaruteqarpoq. Taanna ass. tamataqanngitsut assingi pillugit Instagrammip maleruagassiaanut akerliuneranik patsiseqarsinnaavoq imal. assiusinnaalluni videomulluunniit immiussaasinnaalluni nikassaaniut. Suna pillugu assip videomulluunniit immiussap piiarneqarnissaa 'paasissutissat allat/Yderligere oplysninger' ataani nalunaarutiginninnermi immersugassamut allaguk
Attaviit assimiit imal. videomut immiussamiit peeruk
Attavinnik toqqorsisinnaaneq peersisinnaanerlu pillugit ilitsersuutit allat Instagrams hjemmeside nassaarisinnaavatit
Arlaata assimi videomulluunniit immiussami attavilerfigerusunngisanni attavilersimappatit attavik peersinnaavat. Attaviup peerneragut asseq videomulluunniit immiussaq illit ilisarnaatinnut toqqaannartumik atassutaarutissaaq, asserli Instagrammimi suli nassaassaassalluni.
Illit assinnik videomulluunniit immiussamik Instagrammimi tassaniinnissaa ajorinngisannik attavilerfigerusunngisannilli nassaaruit, attavik imaaliorlutit piissavat:
- Asseq videomulluunniit immiussaq tooruk
- Atit tooruk
- ’Fjern tag’ tooruk
Instagrammimi ilisarnaatit peeruk
Instagrammimi ilisarnaatit tamakkerlugu peerniarukku app-i pinnagu qarasaasiaq atussavat. Instagrammimi ilisarnaatit imaaliorlutit piissavat:
Ilisarnaativit pilerseqqissinnaannginnera maluginiaruk.
- Uunga iserit: Instagrams sletteside
- Atuisutut atit isissutissallu atorlugit iserit
- Ilisarnaativit peernissaanut patsisigisat toqqaruk
- Uppernarsaaniarlutit isissutigisartakkat allaguk
- Attataasaq aappalaartoq ’Slet min konto permanent’ tooruk
- Instagrammimi ilisarnaatit peerneqarpoq