Snapchat

Assinik videomullu immiussanik naatsunik nassitsivimmi (Snapchat) ima piiaasinnaavutit​

Qanoq iliornissannut ilitsersuutit ataani nanisinnaavatit:
  • Oqariartuutinik nammineq nittarterivimmi (My story) avitseqatigiissutigisannik piiaaneq
  • Oqariartuutinik nassitsivikkullu nalunaarutinik allanut nassiussannik piiaaneq
  • Ilisarnaativit peernissaa
Oqariartuut (snap) nittarterivinniit (My story) peeruk
Oqariartuut illit nammineq nittarterivinni avitseqatigiissutigisimasat peerniarukku imaaliussaatit:
Oqariartuutivit arlaannit oqaluttuaniinnerani takuneqarsimasinnaanera isiginnaarummilu (skærm) assilineqarsinnaasimanera maluginiaruk.
  • Nittarterivinnukarit
  • Oqariartuut peerniakkat tooruk
  • Toorneeqqat pingasut oqaluttuap sanianiittut tuukkit
  • Eqqaaviup assinga tooruk
  • Takutinneqartumi ’Slet’ tooruk
  • Oqariartuut nittarterivinniit peerpoq
Oqariartuut nassiussaq imal. nassitsivimmiit oqariartuut peeruk

Tigusisussap oqariartuutinik ammaannginnerani snapchatimi ilisarnaativit piiarneragut oqariartuutivit imal. nassitsivimmiit nalunaarutippit piiarnissaa periarfissatuaavoq.
Snapchat-imi ilisarnaativit qanoq iliornikkut peernissaa uani takusinnaavat. Ilisarnaammik piiaaneq amerlanertigut -tamatiguunngitsorli iluaqutaasarpoq. Tamanna oqariartuutit qanoq ilillutik nassiunneqartarnerisa tunniunneqartarnerisalu assigiinngitsorpassuarnit sunnigaasarnerannik patsiseqarpoq.

Tigusisoq isiginnaarummik assiliiva (screenshot)? Tigusisoq isiginnaarummik assiliisimappat, allatulluunnit iliornikkut oqariartuutit toqqorsimappagu, inummit taassuminnga taamaallaat piiarneqarsinnaavoq. Oqariartuummik tigusisumut asseq peeqqujuk.

Inuup taassuma asseq peerumanngippagu angajoqqaannut inersimasumulluunniit tatigisannut allamut oqaatiginissaa isumassarsiatsialaavoq. Ilungersunartuuneranik tigusisumut erseqqissaanissaq inersimasut pikkoriffigisinnaavaat.
Ilisarnaat snapchatimiit peeruk

Snapchatimi ilisarnaatit peerusukkukku app-i pinnagu qarsaasiakkut ajornannginneruvoq. Snapchatimi ilisarnaatit imaaliorlutit peersinnaavat:

Profilivit allanit takuneqarsinnaajunnaarlugu ulluni 30-ini Snapchatimit toqqortarineqarnissaa maluginiassavat. Atuisutulli atit atorlugu iseqqikkuit ilisarnaat pilerseqqinneqassaaq. Taamaammat ilisarnaativit peerneqarnera allanngortikkusunngikkukku iseqqissanngilatit.

  • Uunngarit: Snapchats sletteside
  • Atuisutut atit isissutissallu allakkit
  • Unioqqutitsilluni allat qarasasiakkut sullissisutaannut isernerunngitsoq illilli isernerit uppernarsiniarlugu boksi ’naammassisutut’ nalunaaqutseruk
  • ’Log ind’tooruk
  • Atuisutut atit isissutissallu allaqqikkit
  • ’Fortsæt’tooruk
Snapchat- imi ilisarnaatit peerpat.