Siunnersuutitsialaat
Assinik, videomut immiussanik imal. paasissutissanik internetsikkut avitseqatigiiffigineqarpit? Aaku paasissutissaativit ilinnut tunngasut, assit videomulluunniit immiussat avitseqatigiissutaasimappata ataqqinassutsillu innarlerneqartutut misigigukku qanoq iliorsinnaaninnut siunnersuutit pitsaasut nalunaarsorneqarfiat.
1
Qassit illit paasissutissaatinnut isersinnaasimasut imal. assiutinnik videomulluunniit immiussannik takunnissimasut paasiniaruk. Taamaallaat kammalaativit oqarasuaataaniissimappat, Facebookgruppimi privatimiissimappata, imal. tamanut takusassianngorlugit Instagrammimiissimappata bloggimiissimappataluunniit? Illit pillutit paasissutissat suut internetsimiinnersut paasiniarlugu atit atorlugu Googlimi ujarliutinilu allani ujaasigit.
2
Ingerlaannaq peeqqullugu inuk pineqartoq qinnuigiuk. Inuk pineqartoq nalunngikkukku, isiginerani taamaalioqqujuk. Taava piiarneqarnerat qularutissaanngitsutut misigissavat. Nittartakkamiippat tamatuminnga piginnittunut nalunaarutigiuk.
3
Imarisai Inummit pineqartumit ingerlaannaq piiarumaneqanngippata assit videomut immiussat allatalluunniit ataqqinassutsimik innarliisut assilikkit screenshotikkilluunniit. Taamaalillutit qanoq pisoqarneranut uppernarsaatissaqalissaatit. Inersimasumut tatigisannut ikinngutinnulluunniit uppernarsaatinik katersinissamut ikioqqusinnaavutit.
4
Inuit attaveqatigiittarfiat attavigiuk. Paasissutissat, assit videomullu immiussat avitseqatigiissutaasut, inuup ataatsip ikinngutiminut allanut avitseqatigiissutigippagit, ajoraluartumik Facebookimit peerasuartarput. Arlaannik peeqqusilluni inuit attaveqatigiittarfiisa qanoq ilillugit attavigisinnaanerat immikkoortumi qanoq ililluni piiaasarnermut tunngasumi takusinnaavat. Arlaannik piiaaniarnermi inuit attaveqatigiittarfiannut pitsaasunik tunngavilersuuteqarnissat maluginiassavat. Allap illit atit assillu atorlugit Ilisarnaammik eqqunngitsumik pilersitsisimanera illit inuttut inuuninnut innarliisinnaavoq imal. inuit attaveqatigiittarfiisa namminneq tamataqanngitsut assingi pillugit maleruagassiaannut akerliusinnaalluni. Inuit attaveqatigiittarfiisa akissuteqarnissaannut utaqqineq sivisusinnaavoq ilaannilu arlaleriarluni allannissaq pisariaqarsinnaasarluni.
5
Inersimasumut tatigisannut oqaluttuariuk. Inersimasut amerlasuut ilimagisamiit paasinninnerusarput inummullu akuersiteqqaarnak paasissutissanik, assinik videomulluunniit immiussanik paarlaasseqatigiisimasumut ilungersunartuuneranik erseqqissaaqattaasinnaallutik. Taanna tassaasinnaavoq angajoqqaaq, ilinniartitsisoq imal. atuarfiup pitsaaliuinermut atatillugu sulisua (SSP).