Kaassassuk - nipituumik atuffassineq
Kaassassuk suliniutaavoq atuffassinerit titartakkallu aqqutigalugit nikassaasarnermik pinaveersaatitsiniut. Meeqqat atuffanneqarnermikkut ataatsimoortutut nuannersumillu misigisaqartinnissaat anguniagaavoq aammalu oqaluppalaaq ”Kaassassuk – iliarsunngornikuusoq” aallaavigalugu nikassaasarneq oqallisigineqartassaaq. Meeqqat kaammattorneqassapput titartakkami Kassassuttut/sapiitsutut imminnut titartaqqullugit, qanorlu iliorlutik nikassaasarnermik unittitseqataasinnaanerlutik saqqummiussavaat.
Nikassaasarneq suunersoq qanorlu misigisarneraat pillugu meeqqat oqaasertalersuinissaannik ikiussavagut. Nikassaasarneq ajornannginnerusumik meeqqanit eqqartorneqartalerneqarnissaa qanorlu nikassaasarneq pinngitsoorneqarsinnaanersoq suliniummi anguniagaavoq. Aaqqissuussineq naggaserlugu meeqqat atuakkamik angerlaassassaannik tunineqartassapput, taamaalillutik atuagaq angerlarsimaffimminni atuaqqissinnaaniassammassuk oqaluttuami oqariartuutigineqartut ataatsimoorluta ilusilersimasagut eqqaaqqinneqarniassammata. Aaqqissuussineq Nuummi Nunatta Atuagaateqarfiani ukiup affakkaartumik kalaallisut qallunaatullu ingerlanneqartartussaavoq.
Siullermik atuffassinitsinni titartakkat
