Meeqqat akornganni nikassaasarneq sooq aallartittarnersoq filmimi takutinneqassaaq, nikassaasarnerlu pillugu oqaatigineqartartut ilumuunngitsut suunersut saqqummiussisoqassalluni, taamaasilluta eqqumaffigilerniassagatsigu nikassaasarneq pinaveersaartinniarlugu unitsinniarlugulu qanoq iliuuseqarnissarput. Nikassaasoqartillugu inersimasut nikassaasarnermut qisuariaataat meeqqanut nikassarneqarsimasunut annertuumik sunniuteqarsinnaavoq. Nikassaasarnermi pillugu misissuinerpassuit takutippaat nikassaasarnerup pinaveersaartinnissaanut unitsinnissaanullu tamatta peqataasinnaasugut, akuersaarnerullutalu akaareqatigiinnerulernitsigut inunnullu allanut ammanerulernitsigut. Filmi aamma ilinniarnertuunngorniarfinni inuusuttullu ilinniarfiini nikassaasarneq pillugu atuartitsissutissat pingaarutillit ilagaat.

Video Deluxus Studio’mit titartarneqarpoq.