Pajuppara​

Pajuppara nuna tamakkerlugu nikassaasarneq pillugu suliniutaavoq. Pajuppara allakkatigut oqariartuutaavoq angallatassaq, Kalaallit Nunarput tamakkerlugu nikassaaneq akiorniarlugu ingerlaartitassaq. Angalaartitassaq kalaalerpaluttumik ilusilersugaavoq, tassaniittarporlu nikassaaneq pillugu oqaluttuaq. Oqaluttuaq kalaallisut qallunaatullu allataavoq nunatsinnilu illoqarfinni 16-ini qaammatit sisamat ingerlaneranni ingerlaartitaassaaq 2019-imi septembarimiit decembarimut nipituumillu meeqqanut atuarneqartassalluni. Nuannersumik ataatsimoorussaqarnissaq aammalu meeqqat inuusuttullu akornganni nikassaasarnermik pinaveersaartitsinissaq suliami siunertarineqarpoq. Atuffassinerit ingerlanneqartarnissaat namminneq kajumissutsimik suliniartunit ingerlanneqartassapput, nipituumik atuffassereernerup kingorna Meeqqat Ikiortigit ineriartortitaanik eqqartueqatigiinnissamut atugassamik najoqqutassaqarpoq. Suliniummi Kaassassuk-mi misilittakkagut najoqqutassiatsinnut tunngaviliisuupput, tassani meeqqat aamma ilinniartimmatigut, inersimasutut qanoq iliorluta meeqqat oqaloqatigisinnaanerigut nikassaasarnermut nuannersumillu ataatsimooqatigiinnissamut tunngasunik.