Unnuit sammisaqarfiusut
Nikassaasarneq unnukkut sammineqassaaq – april 2019
Siornatulli apriilimi nikassaasarneq sammineqartussaavoq. Apriilimi sammineqassalluni, nikassaasoqartoq takugaanni taava qanoq unitsinneqarsinnaanersoq. Inuiaqatigiinnguani ikittunnguusuni nikassaasunut akuliunniarneq ajornakusoorsinnaasarpoq. Ataqqinnippalaartumik qanoq iliortoqarsinnaava, tamatta ingerlaqqissinnaanngorluta? Avissaartuuttitsinissaq inunnillu assuarliinissarput uiarterniartaratsigu unamminartutut isigisarparput, pisariaqartipparpullu eqqartussallutigu nikassaasarnermut suut patsisaanersut soorlu taamaaliortoqartarnersoq. Uagullu inersimasutut meeqqatsinnut inuusuttortatsinnullu maligassiuisuuvugut; ima paasillugu, inunnik allanik eqqartueriaaserput kinguaariit tulliinut ingerlaqqittarpoq. Kinguaariit tulliini akuersaarinnilluni akaareqatigiinneq pitsaasumillu ataatsimoorfeqarnissaq qanoq pilersissinnaavarput?
Kinguaassiuutitigut kanngutsaatsuliorneq pillugu sammisaqarneq – oktobar 2019
Iliuuseqarfigisassatta tullia – kinguaassiuutitigut kanngutsaatsuliortarneq – oktobarimi aallartissavarput. Samminiagaq taanna annertullunilu pingaaruteqangaarami unnuk ataasiinnaq eqqartuiffigisinnaanngilarput. Kinguaassiuutitigut kanngutsaatsuliortarneq pillugu isummat aallarniutigissavagut, oqallissaarutigissallutigu kinguaassiuutitigut kanngutsaatsuliortarneq pillugu eqqarsaatigut isummagullu suunersut. Kinguaassiutitigut kanngutsaatsuliortarneq eqqartussallugu paqumigineqartaqisoq Kalaallit Nunaanni ammanerusumik eqqartorneqartalerpoq, uagullu kinguaassiuutitigut kanngutsaatsuliortarnermut isiginneriaaseq pillugu oqallitsitsinikkut ammasumik eqqartueqataarusuppugut. Pineqartumullu sooq taama isiginninnerluta eqqartorusupparput.
