Nuummi immikkoortortaq

Nunatsinni Meeqqat Ikiortigit ataatsimik Nuummmiittumik najukkami immikkoortortaqarpoq. Nunatsinni Meeqqat Ikiortigit suliaasa annertunersaat Nuummi immikkoortortamit aallaaveqarpoq. Nuummi Red Barnet Danmarkip ataani najukkami immikkoortortaq februaari qaammat 2008 pilersinneqarpoq. 2013-imi nunatsinni Meeqqat Ikiortigit pilersinneqarneranut atatillugu najukkami immikkoortortaq tassunga atalerpoq. Meeqqat angajoqqaatik peqatigalugit isumalimmik pitsaasumillu ataatsimoorlutik misigisarqasinnaanissaannut periarfissanik pilersitsinissaq, Nuummi immikkoortortap ukkappaa. Najukkami immikkoortortanit -pingaartumik ilaqutariinnut meerartalinnut sammisassarititat, Nuummi Kommuneqarfik Sermersuup meeqqanut ilaqutariinnullu sullissivianut atassuteqartunut saaffiginnissutaapput

Sap, ak. naanerini ilaqutariinnut Malimmut nalugiarneq Nuussuarmilu illorsuarmi timersortarfimmi sulorarneq najukkami immikkoortortamit aaqqissuunneqartarput. Sammisat aalajangersimasut marluk taakku saniatigut ukiup qanoq ilinera silallu qanoq innera aallaavigalugit, qaammatit tamaasa najukkami immikkoortortamit makku arlarisinnaasaannik sammisaqartitsisoqartarpoq: Sisorarfissiorneq, påskimi nereqatigiinneq, nuniagiarneq, angallammik angalaarneq- aalisariarneq, suliffeqarfimmut pulaarneq, inuiattut ullorsiorneq, katersugaasiviliarneq, filmeriarneq, juullerpalaartitsineq nunatsinnilu Meeqqat Ikiortigit novembarimi piumassutsimik sulisumik nersornaasiinerannut atatillugu ataatsimuualaarneq.

Najukkami immikkoortortaq 2020-imi makkununnga tapersiinissamik isumaqatigiissusiorpoq: Nuup Bussii og Svømmehallen Malik.

Nuummi immikkoortortaq siulersuisoqarpoq siulersuisullu ataatsimiinnerinut, ilaatigut qaammatit pingasut sisamallu akornanni pisussanik pilersaarusiorfiusartunut qaaquneqartartunik, nammineq piumassutsiminnik sulisoqarluni. Najukkami immikkoortortap peqatigiiffittut ileqqoreqqusai [uani] atuarneqarsinnaapput. Najukkami immikkoortortami nammineq piumassutsiminnik sulisut sammisassanut ass. Katersortarfimmi ukiumut marloriarlutik bingortitsinermikkut aningaasanik pissarsiortarput. Tamatuma saniatigut immikkoortortami sulineq suliffeqarfiit ataasiakkaat aningaasaliinissamut isumaqatigiissusiornerisigut tapersersorneqarpoq.