Meeqqanut 6-9-nik ukiulinnut

Meeqqanut siunnersuutitsialaat

Angallattakkatigut qasaasiatigulluunniit spil’erneq nuannertaqaaq, peqqinnissannulli aamma iluaqutaasussaavoq aalaffigisinnaasannik pinnguartaruit. Meeqqat 6-9-inik ukiullit ullormut taamaallaat 30-60 minutsini spil’ertarunik pitsaanerpaajusarpoq. Imaassinnaavoq angajoqqaatillu isumaqatigiissuseqarsinnaasusi sapaatip akunnerata naanerani sivisunerulaartumik spil’ersinnaasarnissannik.

Spil’erpassuaqarpoq nuannerluinnartunik. Spil’it ilaat peqqarniippallaartut meeqqanut pitsaasuunngillat. Taamaattumik angajoqqaatit oqaloqatigisariaqarpatit, spil’it sorliit illit pinnguarisarniarnerlugit, ukiunnut sorliit tulluuttuunersut misissulaarniassammatigit.

Spil’it atorneqarsinnaapputtaaq ilinniagassat ilaat nuannersumik ilinniarnissaannut. Assersuutigalugu spil’iusinnaapput naqinnernut, kisitsisinut imaluunniit sanaassanut iliusissanulluunniit tunngasut. Kisitsisinik naqinnernillu nuannersumik ilinniartoqarsinnaavoq. Angajoqqaannik ikiorneqarsinnaavutit spil’it ilikkarnartut pissarsiarinissaannut.
Soorlu DR Ramasjang misissuiffigisinnaavarsi, tassaniipput spil’it nuannersut amerlasuut.

Spil’innut isertaatit paarilluassavat. Isertaatiliussaatit allat imaaliallaannaq paasisinnaanngisaannik. Isertaatit allanut tunniunnagu suunersoq taamaallaat angajoqqaatillu ilisimasarsiuk.
Nungusaataasartoq toortagaq spil’eraangavit sianegisassavat. Sivisoorsuarmik anguniagaq piiartoorlugu nuannerneq ajormat.
Eqqaamallugu angajoqqaavit aalajangigassarimmassuk qanoq sivisutigisumik spil’erlutillu nittartagalereqqusaanersutit. Malittarissalli qanoq innissaat illit isumaqarfiginerlugu aamma oqaatigisinnaavat. Taamaasillusi tamassi iluarisassinnik malittarisassiorsinnaassagassi.

Naqitanngorlugit siunnersutit uugguuna anillatsikkit

Illit angajoqqaannut ilitsersuusiat
pitsaasut