Internetimik atuinermi meeqqavit toqqissisimanissaa angujumallugu ikioruk
Quppernermi angajoqaatut takusinnaavatit meeqqavit internetimik atuisarneranut atatillugu siunnersuussiasut ilitsersuusiaasullu. Taava meeqqat toqqissisimanartumik internetimik atuisinnaanissaanik ikiorsinnaassavat namminerlu torersumik pissuseqarlutit ikiuisinnaassallutit.
Chat Paaralugu Meeqqat Ikiortigit PiSiu Kalaallit Nunaannilu Pinerlutsaaliuinrmut Siunnersuisoqarfik sleqatigalugit suliarivaa.
Meeqqat imminnut paatsuujasinnaasarput taamaasillutillu nittartakkami aporaatilersinnaasarlutik. Arlalitsigut aporaaffiit aaqqiiviginissaannut inersimasunik ikiorneqarnissartik pisariaqartittarpaat. Pinaveersimatitsinissamut aporaannerillu unitsinnissaannut internetsikkullu nikassaanerit unitsinnissaannut siunnersuutitsialannik pissarsigit.
Qaqutigorsuaq taamaattoqartarpoq, kisiannili nukappiaqqat niviarsiaqqallu kinguaassiutitigut kanngutsaatsuliortumik interneti aqqutigalugu attavigineqariataartarput. Killissarititanik qaangiisunut meeqqavit qanoq killiliinissaanut ilinniartinnissaanut ugguuna siunnersuutitsialannik pissarsigit.
Assit namminermut tunngassuteqarpallaartut siammarterneqarnerisa inuusuttunut sinnattupilunnertut ilisinnaapput, assit atuarfik tamakkerlugu siammarterneqariataarsinnaapput imaluunniit inuiaqatigiinni tamanit takuneqarsinnaanngorlutik. Angajoqqaatut ikiuisinnaanissaq pingaaruteqaqaaq.
Angajoqqaatut aqqusaagaqariataarsinnaavutit, meeqqavit internet’ikkut attaveqaatitigut atuineranut tunngasunik. Meeqqavit internetsimi attaveqaatitigut atuinissaa illillu qanoq killiliisinnaaninnut tunngasunik siunnersuutitsialannik pissarsigit.
Angajoqqaarpassuit meeqqamik spil’ertarnerannut ernummateqartarput. Internet’ikkummi spil’erneq inuusuttuunerusunut tunngavoq. Internet’ikkut meeqqavit spil’ertarneranut tunngasutigut isumassatsialannik pissarsigit.
Meeqqatit minnerit qanoq iliuuseqarfigissavigit, spil’inut internet’imilu attaveqaatinik soqutigisaqalerpata? Killiliinissamut, ukiunut killiliussanut, imaanullu tunngasutigut siunnersuutitsialannik pissarsigit 6-9-inik ukiulinnut tulluuttunik.
Meerarpassuarnut inuusuttorpassuarnullu internet’i mobililu ulluinnarni inuunermut ilaalluinnartupput. Kisiannili tassa internet’ikkut kinguassiuutinut tunngasunik kanngutsaatsuliortoqartarpoq aammalu nikassaasoqartarluni, taamaattumik pingaaruteqaqaaq ilisimassallugu internet’ip atornerani qanoq toqqissisimasoqarsinnaanersoq.
