Akuerineqanngitsumik assinik siammartiterisoqartillugu erngertumik iliuuserisinnaasatut siunnersuutit pitsaasut
7. – 9. klassini atuartut 7 procentii nassueruteqarput arlaatigut ”Qnaalanngitsunik”, soorlu iluatigut atisaqaannarlutik mattaangallutilluunniit assiminnik nassitsisarsimallutik. Gymnasianilu HHX-inilu atuartut aperigaanni taakku 20%-ii taaneqartutut ittunik assinik nassiussisarsimapput. Assilisat pineqartutut ittut siammaassimagaanni tamanna inuusuttunut nanertuuterujussuanngorsinnaavoq, soorlu asseq/assit atuarfimmut siammaanneqarpata imal. kikkunnit allanit tamanit takuneqarsinnaasunngortinneqarsimappata. Taamaattumik pisoqarsinnaavoq, tamallu pisoqarnerani ilissi angajoqqaatut ikiuinissarsi pisariaqartinneqalerluni.
1
Eqqissisimagit – uippallernak siunertalimmik apeqqutinik apeqquteqartarit paasiumallugu qanoq tunngaveqartumik assinik siammartiterineq pisimanersoq.
2
Tapersersoruk inuussuttoq pinngitsoortikkumallugit imatut oqarsinnaanerit ”nammineq tamanna eqqarsaatigisimasinnaagaluarpat”. Inuusuttormi ikiorneqarnissaminik pisariaqartitsivoq, appiussuunneqarnissaq pinnagu.
3
Uppernarsaatissanik toqqorterigit: attaveqaatini saaffiginnissutit nittartakkallu takuneqarsinnaasut suunerinik takussutissat taamaattoqarpat uppernarsaataasinnaasut toqqortikkit. Taamaattummi inatsisaatsuliorluni siammartiterisimanermut uppernarsaa-tissatut pingaartuupput.
4
Sapinngisamik sukkanerpaamik kanngutsaatsuliorfigineqarnerit politiinut nalunaarutigiuk immaqalu aamma sillimmasiisarfik atugarisarsi ilanngullugu.
5
Ajornanngippat siammartiterineq unitsinniarsariuk. Assinik siammartiterisimasut saaffigikkit assillu piiaqqullugit qinnuvigalugit. Politiit piiaatitsiniarluni suliaminnik allartitsinngineranni attaveqaatinik aqutsiviit pisuni aallaaviusut attaveqarfigikkit,
